Ordu.az xəbər verir ki, bu barədə “Economic Times” qəzeti məlumat yayıb.

Məlumata görə, Vaşinqton rəsmi olaraq Yeni Dehlini Hindistanın istifadəsində olan ABŞ silahlarının Rusiya istehsalı müdafiə sistemləri ilə birlikdə istifadəsindən narahatlığını ifadə edib. Birləşmiş Ştatlar bu silah-sursatın Rusiya ləvazimatları ilə birgə istifadəsindən dolayı kiberhücumlara məruz qala biləcəyindən ehtiyat edir.

Dehli ABŞ-ın bu narahatlıqlarını əsassız adlandırsa da, ABŞ-ın qayğılarını dinləməyə razılaşıb. Digər tərəfdən Hindistan S-400-lərin alınacağı təqdirdə ABŞ-ın sanksiyalarına məruz qalmayacağından əmin olmaq istəyir.

Xatırladaq ki, ötən ayın ortalarında Hindistan Müdafiə naziri Nirmala Sitharaman Dehli və Moskva arasında S-400 sistemlərinin çatdırılmasına dair aparılan danışıqların yekun mərhələyə qədəm qoyduğunu bəyan edib.

Ağalar Ağalarlı
Ordu.az