"S-400" sözünə uyğun 1095 nəticə tapıldı!

Türkiyədə yerləşdirilən S-400-lər Ermənistan və Qarabağdakı hədəfləri məhv etməyə qadirdir

2019/07/345-1564051397.jpg
Oxunub: 973     17:42     26 İyul 2019    
İyulun 12-dən başlayaraq Türkiyə NATO-nun xüsusilə də ABŞ-ın narazılığına baxmayaraq, Rusiyadan əldə edilən S-400 HHM sistemlərini qəbul etməyə başlayıb.

Ordu.az xəbər verir ki, bu barədə erməni KİV-lərində müəllif yazısı dərc olunub.

Müəllifə görə, Rusiya Türkiyəyə S-400 satması ilə Ermənistana tərs sillə vurmuş olur.

“Faktiki olaraq, Türkiyə rus istehsalı olan belə bir əhəmiyyətli və xüsusi hərbi texnikanı əldə edən Şimali Atlantika ittifaqının yeganə ölkəsinə çevrilib.

Ermənistanla Rusiya arasında müttəfiqlik münasibətlərini, Qarabağ münaqişəsi və bu məsələdə Türkiyənin mövqeyini, həmçinin 2015-ci ilin dekabr ayında Ermənistanla Rusiya arasında imzalanmış müqavilə ilə vahid regional HHM sisteminin yaradıldığını nəzərə almaqla, Moskva və Ankara arasında rus istehsalı olan S-400 HHM sistemlərinin əldə edilməsi ilə bağlı anlaşmanın geosiyasi əhəmiyyətindən başqa, eyni zamanda bölgə baxımından da maraqlı tərəfi var.

S-400 nədir?

Rusiyanın “Almaz” elmi istehsalat birliyinin yaratdığı S-400 “Triumf” HHM-ləri dünyada ən müasir və nəhəng HHM-lərdəndir. Türkiyədən başqa bu sistemləri Çin və Belarus da əldə edib. Hindistan isə əldə etməyə hazırlaşır.

S-400-lər 400 kilometrədək aerodinamik hava radiuslu və ballistik hədəflərin aşkarlanması və məhv edilməsi üçün nəzərdə tutulub. Lakin Türkiyənin əldə etdiyi raketlərlə sistemin radiusu 250 km təşkil edir. Yəni bu HHM vasitələri rəqibin təyyarələri ilə yanaşı raketlərinin də məhv edilməsinə imkan verir. Sistemin əhatə dairəsinin radiusu bu silahı bölgənin nüfuzlu hərbi amilinə çevirir. Başqa sözlə desək, məsələn Türkiyənin S-400-ləri Ermənistanla uzaq olmayan sərhəd boyu ərazisində yerləşdirilməsi, Ermənistanın hava məkanını tam əhatə edə bilər. Bununla da Türkiyədə yerləşdirilən S-400 HHM sistemləri Ermənistan və Qarabağ (qondarma-qurum.red) hava məkanında olan hədəfləri məhv etmə imkanı əldə edir”, - deyə müəllif bildirib.

Müəllif ABŞ-ın Türkiyəni F-35 qırıcılarından məhrum etməsinin Ermənistanın marağında olduğunu qeyd edir:

“ABŞ niyə bu anlaşmaya qarşı çıxırdı?

Türkiyə və ABŞ NATO çərçivəsində müttəfiq ölkələrdir. Rus istehsalı S-400-ləri əldə edənədək, Türkiyə bu tipli ABŞ istehsalı olan “Patriot” sistemini də əldə edə bilərdi. Lakin Türkiyə S-400 HHM vasitələri əldə etmək niyyətini açıqladıqdan sonra bu anlaşma ləğv edilib. Bundan başqa Türkiyə və ABŞ tərəfi yeni nəsil F-35 qırıcıları sahəsində əməkdaşlıq edirdilər. Bu anlaşma da ləğv edilib. Bununla da Türkiyə ən müasir F-35 qırıcılarını əldə etmə və birgə istehsalında iştirak etməkdən məhrum edilib. Maraqlıdır ki, bu itkilərə , o cümlədən ABŞ tərəfindən tətbiq edilə biləcək sanksiyalara və Vaşinqtonla müttəfiqlik münasibətlərinə vurulan ziyana baxmayaraq, Ankara rus istehsalı S-400 HHM vasitələrini əldə etməyə qərar verib.

Bununla yanaşı, Türkiyə-ABŞ münasibətlərindəki gərginliyin artmasına baxmayaraq, Ankara NATO-dan çıxma və təhlükəsizlik sistemində köklü dəyişikliklər aparılmasına dair bəyanatlar səsləndirilməyib. Bundan başqa S-400-lərlə bağlı digər narahatlıqlar da var. İlk növbədə ABŞ tərəfi rus istehsalı S-400-lərin Türkiyə təhlükəsizlik və ardıcıl olaraq NATO sisteminə qoşularaq, rus tərəfi üçün NATO-nun təhlüksizlik sistemi və F-35 qırıcılarının strukturu barədə müəyyən incəlikləri aşkarlaya biləcəyindən narahatdır. Öz növbəsində Rusiya tərəfindən səsləndirilən narahatlıqlara görə S-400 HHM-ləri Türkiyənin və bununla bərabər NATO-nun tabeliyinə keçməklə rus texnologiyalarının müəyyən incəliklərini aşkar edə bilər. Lakin bir sıra rus ekspertlər bu mövqe ilə razılaşmırlar”.

Müəllif vurğulayıb ki, Su-30 qırıcıları hesabına da Ermənistan ehtimal edilən irimiqyaslı hərbi əməliyyatlar zamanı rəqibin hədəflərini vura biləcək hava gücünü əldə etmiş olacaq.

“Bəs Ermənistan?

Son vaxtlarda Ermənistanın Rusiyadan əldə etdiyi ən əhəmiyyətli silah “İsgəndər” raket sistemləri və hələlik tədarük edilməyən Su-30 qırıcılarıdır.

“İsgəndər” raketləri taktiki raket sistemi olmaqla daha çox susdurucu xarakter daşıyır. Bu silah hesabına Ermənistan Azərbaycanla silah balansını qoruyub saxlaya bilir. Türkiyəyə S-400 HHM-lərini satmaqla faktiki olaraq, Rusiya öz müttəfiqinə satmış olduğu hərbi xüsusi texnikanı məhv edilə biləcək vəziyyət yaratmış olur.

Bununla yanaşı, daha öncə 2010-cu ildə Rusiya Azərbaycana “S-300PMU-2” HHM sistemlərini satıb və bununla da Ermənistanın hava məkanının böyük bir hissəsinin əhatə edilməsinə şərait yaradıb. Onlar istənilən halda “İsgəndər”lərə qarşı S-400-lərdən fərqli olaraq gücsüzdür. Türkiyə və Azərbaycanın müttəfiqlik münasibətlərini və Qarabağ məsələsində Ankaranın Azərbaycan meyilli mövqeyini nəzərə alarsaq, Türkiyədə yerləşdirilən S-400-lər Ermənistan və Azərbaycan arasında silah yarışı balansını poza bilər.

Rusiya isə...

Türkiyə və Rusiya arasında münasibətlər indiki halda yüksək səviyyədə olsa da, tarixi təcrübə göstərir ki, bu münasibət kəskin dəyişə də bilər. Eyni zamanda qeyd etdiyimiz kimi, Türkiyə NATO-nun üzvüdür və hələ də NATO-dan çıxma niyyətinin olması barədə heç bir işarə verməyib. Belə olan halda ən azı qəribə haldır ki, Rusiya Türkiyəyə elə bir HHM sistemi satır ki, bu sistem Rusiyanın hərbi bazası yerləşən və vahid regional HHM sisteminə malik olduğu Ermənistanın hava məkanını örtür və Ermənistanın təhlükəsizliyini təhdid edir. Moskvada bununla bağlı hansı hesablamaların aparıldığını və türk tərəfindən hansı zəmanətlərin əldə etdildiyini yalnız ehtimal etmək qalır. Lakin baş verənlər onu göstərir ki, Rusiyada növbədi dəfə Ermənistanın maraqları nəzərə alınmır. Öz müttəfiqinin rəqiblərinə silahlar verilməsinə Moskvada sadəcə olaraq yaxşı münasibət göstərirlər”, - deyə müəllif narahatlığını gozlədə bilməyib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: