ABŞ donanması yeni idarəolunan raketlərlə təchiz olunan freqatının dizaynlaşdırılması ilə bağlı “Huntington Ingalls”, “General Dynamics”, “Marinette Marine” və “Austal USA” ilə müqavilələr imzalayıb.
Ordu.az xarici KİV-lərə istinadən xəbər verir ki, bu barədə ABŞ Müdafiə Nazirliyinin mətbuat xidməti məlumat yayıb.
Məlumata görə, müqavilələrin dəyəri 6-8 milyon dollar aralığındadır. Müqavilə əsasında həmin kompaniyalar yeni freqatın konseptual dizaynını hazırlayacaqlar.
Yeni freqatın müxtəlif növ raketlər üçün şaquli atış sisteminə uyğun olması planlaşdırılır. Müqavilələr üzrə çalışmaların 2019-cu ilin iyununda tamamlanması gözlənilir.
Ağalar Ağalarlı
Ordu.az
© Materiallardan istifadə edərkən hiperlinklə istinad olunmalıdır
Teqlər:
ABŞ
Freqat
İdarəolunan-Raket
