Ordu.az xarici KİV-lərə istinadən xəbər verir ki, bu barədə rəsmi açıqlamanı Ərəb koalisiyasının sözçüsü Turki Əl-Maliki bildirib.

O qeyd edib ki, az öncə Yəmənin Səda şəhəri ətrafındakı Əl-Əbd dağlarında qiyamçılarla koalisiya qüvvələri arasında şiddətli qarşıdurma baş verib.

Rəsmi rəqəmlərə əsasən qarşıdurmalarda qiyamçıların 30 üzvü məhv edilib, daha 4-ü isə əsir götürülüb.

Koalisiya qüvvələrinin isə 7 hərbçisi həlak olub, daha 2-si yaralanıb.

Qeyd edək ki, sözçü koalisiya qüvvələrinin 2011-ci ildən husilərin nəzarətində olan Səda şəhərini azad etmək üçün əməliyyatlarını davam etdirəcəyini bildirib.

Dəyanət Ağalarlı
Ordu.az