Ordu.az CNN-ə istinadən xəbər verir ki, bu barədə Pentaqonun adının açıqlanmasını istəməyən rəsmisi bildirib.

Onun sözlərinə görə, Mettis belə bir danışığa razı olsa da, hələlik bu məsələ ilə bağlı tərəflər arasında hansısa plan yoxdur.

Bu xəbərdən daha öncə Rusiya Müdafiə Nazirliyinin mətbuat katibi ölkəsinin Tramp-Putin sammitində qəbul edilmiş razılıqların tətbiqinə hazır olduğunu bildirib.

Trampla Putinin görüşündən öncə Pentaqon Sergey Şoyqunun Mettisi danışıqlara dəvət etməsi, lakin bu dəvətin rədd edilməsinə dair yayılan xəbərləri təkzib edib. O bildirib ki, Pentaqon belə bir çağırış əldə etməyib.

Qeyd edək ki, 2015-ci ildən etibarən Birləşmiş Ştatlar və Rusiya Müdafiə nazirləri arasında heç bir danışıq baş tutmayıb.

Ağalar Ağalarlı
Ordu.az