Ordu.az xarici KİV-lərə istinadən xəbər verir ki, bu qərarla tərəflər arasında uzun müddətdir davam edən mübahisənin aradan qaldırılması planlaşdırılır.

Pentaqonun Xarici Hərbi Satışlar proqramından məsul qurumu Müdafiə və Təhlükəsizlik üzrə Əməkdaşlıq Agentliyi daha öncə Yaponiyanın ləvazimatların çatdırılma vaxtının qısaldılmasına dair istəyini rədd edib. Üstəlik ABŞ prezidenti Donald Tramp Tokioya daha çox silah almaq üçün təzyiqlərini davam etdirir.

Nəticə etibarilə tərəflər nəhayət kompromis əldə edə biliblər. Belə ki, çatdırılmanın sürətləndirilməsi üçün əlavə muzdlu işçilər götürüləcək ki, bunların xərclərini və digər bir sıra administrativ xərcləri Yaponiya qarşılayacaq.

Qeyd edək ki, Yaponiyanın Xarici Hərbi Satışlar çərçivəsində ABŞ-la olan müdafiə ticarətinin həcmi 3,71 milyard dollara çatıb. Bu rəqəm bir öncəki ildəkindən 7 dəfə çoxdur.

Ağalar Ağalarlı
Ordu.az