Ordu.az xarici KİV-lərə istinadən xəbər verir ki, Polşa Müdafiə naziri Marius Blaşzak bu barədə ötən gün jurnalistlərin suallarını cavablandırarkən bildirib.

O qeyd edib ki, Polşa hazırda NATO daxilində gələcəyi ən çox şübhə doğuran üzvdür.

“Biz Rusiya və NATO-nun sərhədində yerləşirik. Son zamanlarda Rusiyanın atdığı müəmmalı addımların əsas məqsədini müəyyən etmək olduqca qəlizləşib. Ola bilsin ki, rəsmi Moskvanın bu addımları Polşaya təhdid yaratmaq məqsədi güdür. Biz bütün ehtimalları nəzərə alaraq bu təhdidlərə hazırlıqlı olmalıyıq. Ölkəmizdə ABŞ-a məxsus daimi hərbi bazanın açılması ilə bağlı planlar olduqca təqdirəlayiqdir”, - deyə nazir bildirib.

Qeyd edək ki, daha öncə Polşa hökuməti ABŞ-dan ölkədə hərbi baza formalaşdırmasını istəyib və bu tələbin həyata keçiriləcəyi təqdirdə ortaya çıxacaq xərclərin böyük ölçüdə Varşava tərəfindən qarşılanacağı bildirib.

Dəyanət Ağalarlı
Ordu.az