Ordu.az xarici KİV-lərə istinadən xəbər verir ki, bu barədə bölmənin rəhbəri general Paul Nakason bildirib.

O qeyd edib ki, son dövrlərdə ABŞ kiber hücuma ən çox məruz qalan ölkələr arasında birincidir. Bu eyni zamanda daxildə hökumətin bu hücumlara qarşı fəaliyyətini də stimullaşdırır.

“Hazırda istifadə olunan proqram təminatı Kəşfiyyat idarəsi və Pentaqonun ortaq platformasıdır. Bu platforma qurumlararası bir şəbəkə olduğu üçün onun təhlükəsizliyi sual altına düşür. Buna görə bizim Kiber Komandanlıq bu sahədə Pentaqon və Mərkəzi Kəşfiyyat İdarəsinin fəaliyyətini bir-birindən ayırmaq məqsədilə yeni bir proqram təminatının formalaşdırılması üzərində işləyir. Bu şəbəkə ABŞ-ı kiber hücumlara qarşı daha güclü və təhlükəsiz edəcək”, - deyə Paul bildirib.

Dəyanət Ağalarlı
Ordu.az