Ordu.az xarici KİV-lərə istinadən xəbər verir ki, yaxın keçmişdə iki ölkə arasında fərqin daralması ilə Çin və ABŞ az qala amansız rəqabətə girib. Bu səbəbdən dolayıdır ki, ABŞ-ın Çini əngəlləmə strategiyası intensivləşib.

Tramp rəhbərliyə gəldikdən sonra ABŞ Milli Təhlükəsizlik Strategiyasının yeni strategiyası Çini revizyonist güc və ABŞ-ın rəqibi kimi qəbul edib. Onun rəhbərliyinin ilk ili ərzində ABŞ gəmilərinin Cənubi Çin dənizində həyata keçirdiyi patrul tapşırıqları Obamanın bütöv dövrü ilə bərabərlik təşkil edib.

Digər tərəfdən Tramp bu ilin əvvəli Tayvan Səyahət Qanununu imzalayaraq qüvvəyə minməsinə imkan verib. Bu isə Çin və ABŞ arasında hərbi konfrantasiya riskini bir qədər də artırıb.

Mettisin Çinə səfəri iki ölkə arasında hərbi əlaqələrin stabilləşməsinə kömək edə bilər. Lakin bunun siyasətə necə təsir göstərəcəyi qarşıdakı dövrdə daha aydın müşahidə oluna biləcək.

Ağalar Ağalarlı
Ordu.az