Ordu.az xarici KİV-lərə istinadən xəbər verir ki, məktub Böyük Britaniya Ticarət naziri Laym Foksa ictimaiyyətə açıq şəkildə ünvanlanıb.

Məktubda qeyd olunub ki, hazırda Yəməndə, xüsusilə də Hudeydə vilayətində insan hüquqlarına və sivil vətəndaşların təhlükəsizliyinə ciddi təhdidlər var. Bu məsələdə başlıca səbəbkarlar Yəmən hökuməti, qiyamçı qüvvələr və hökuməti dəstəkləyən koalisiya qüvvələridir.

Lakin tərəflərdən birinin məqsədyönlü şəkildə hər hansısa xarici qüvvə tərəfindən silahlandırılması vəziyyəti daha da gərginləşdirir.

“Böyük Britaniya Yəməndəki silahlı qarşıdurmanı daha da alovlandıracaq addımlardan çəkinməli və sivillərin həyatına təhlükə yaratmaqdan çəkinməlidir. Bunun üçün də koalisiya qüvvələrinə silah satışı dayandırılmalıdır”, - deyə məktubda qeyd olunub.

Qeyd edək ki, məktub qurumun sədri və direktorlar şurasının üzvlərinin şəxsi imzaları ilə göndərilib.

Dəyanət Ağalarlı
Ordu.az