Ordu.az “National Interest”ə istinadən xəbər verir ki, yenilənmədən sonra bombardmançının yeni versiyası oktyabr ayında Rusiya Aerokosmik Qüvvələrinə təqdim ediləcək.

Rusiya Müdafiə sənayesindən olan mənbənin sözlərinə görə, Tu-22M3M ən qabaqcıl uzaq mənzilli Kh-32 qanadlı raketləri ilə təchiz edildikdən sonra oktyabrdan etibarən döyüş tapşırığına hazır olacaq.

Kh-32-nin əlavə edilməsi təyyarəyə əhəmiyyətli ölçüdə hücum qabiliyyəti qazandıracaq. Üstəlik bu qabiliyyət təkcə gəmilərə qarşı deyil, Avropadakı bütün strateji hədəflərə doğru olacaq.

Əgər Kh-22 Amerikanın aviadaşıyıcılarını batırmağa hədəflənmişdisə, Kh-32-nin əsas hədəfinin körpülər, hərbi bazalar, elektrik stansiyaları və digər əhəmiyyətli obyektlər olduğu güman edilir.

Rusiyanın 20-30 arası Tu-22M3 bombardmançısını modernizasiya etməsi gözlənilir. Yeni adı ilə Tu-22M3M olacaq bu təyyarələr yeni aviasiya sistemləri və silah-sursatla təchiz olunacaqlar.

Ağalar Ağalarlı
Ordu.az