Ordu.az xəbər verir ki, bu günlərdə Ağdərə sakini Rudik Hunanyanla hərbi hissələrdən birində xidmət edən Aqram Arakelyan və Razmik Hovakimyan arasında növbəti narazılıq törənib. Belə ki, hər iki hərbçi yaxınlıqdakı ərzaq məhsulları mağazasının sahibi olan R.Hunanyandan içki və digər qida məhsullarını uzun müddət nisyə götürərək pulu ödəyəcəklərinə söz versələr də, sonradan vədlərinə xilaf çıxıblar.

Bir neçə dəfə məsələ ilə bağlı komandanlığa müraciət etməsinə baxmayaraq R.Hunanyanın şikayətinə məhəl qoyan olmayıb.

Son dəfə isə mayın 28-də Ermənistanda birinci respublikanın qurulması gününü qeyd edən hərbçilər A.Arakelyan və R.Hovakimyan sərxoş vəziyyətdə R.Hunanyanı döyərək ona bədən xəsarətləri yetiriblər.

Hazırda hüquq mühafizə orqanları faktla bağlı araşdırma aparırlar.

Alpər Mövludoğlu
Ordu.az