Ağdərədə erməni zabit əsgərlərə işgəncələr verir

2018/03/23423_1520336043.jpg
Oxunub: 1885     19:32     06 Mart 2018    
İşğal altında olan Ağdərə rayonu ərazisində yerləşdirilən Ermənistan ordusunun zabitlərindən birinin tabeliyində olan hərbi qulluqçuları mütəmadi olaraq döyməsi, işgəncələr verməsi və təhqiramiz söyüşlərlə təhqir etməsi barədə sosial şəbəkədə yayılan xəbər qalmaqala səbəb olub.

Ordu.az xəbər verir ki, bu günlərdə hərbi hissə komandiri Baxsiyanın adına hərbi polisdən məktub daxil olub.

Məktubda 8-ci bölüyün komandiri Karen Levonyanın döydüyü 3 əsgərin və nalayiq söyüşlərlə təhqir etdiyi bir hərbi qulluqçunun şikayət etdiyi bildirilir.

Faktla bağlı araşdırma aparmaq məqsədilə hərbi qulluqçular Vaqarşak Gazaryan, Mişa Çilingaryan və Gevork Hayrapetyanın, həmçinin onları döyən bölük komandiri Karen Levonyanın hərbi polisə göndərilməsi də məktubda qeyd olunur.

Fakt öz təsdiqini taparsa K.Levonyan həbs ediləcək.

Ordu.az

© Materiallardan istifadə edərkən hiperlinklə istinad olunmalıdır


Teqlər: Ağdərə   İşgəncə   Ermənistan-ordusu  


Bizi "telegram"da izləyin