Ordu.az xarici KİV-lərə istinadən xəbər verir ki, bu barədə ABŞ Müdafiə naziri Ceyms Mettis bildirib.

Onun sözlərinə görə, döyüş zonasından olan insanlar müharibə zamanı sarin qazından istifadə edildiyini bildirib. Lakin hal-hazırda bunu təsdiqləyəcək konkret dəlil yoxdur.

Mettis bu vaxta qədər Suriya hökumətinin bir neçə dəfə xlor qazından istifadə etdiyini bildirib. Sarindən fərqli olaraq xlor qazını istehsal etmək daha asandır və Kimyəvi Silahlar konvensiyası tərəfindən qadağan edilməyib.

Qeyd edək ki, Suriya 2013-cü ildə öz kimyəvi silahlarından imtina etməklə bağlı Kimyəvi Silahların Qadağan edilməsi Təşkilatı ilə razılaşıb. Lakin Suriyanın təkzib etməsinə baxmayaraq, BMT və həmin təşkilat Suriya hökumətinin son iki ildə sarin və xlor qazı silahlarından istifadə etdiyini iddia edir.

Ağalar Ağalarlı
Ordu.az