Ordu.az xarici KİV-lərə istinadən xəbər verir ki, bu barədə ABŞ dövlət katibi Reks Tillerson bəyan edib.

O yenidən qeyd edib ki, Vaşinqton Koreya yarımadasının tam nüvəsizləşdirilməsinə çalışır və Çinlə Rusiya da bu mövqeyə sadiqdir.

“ABŞ-ın bütün diplomatik cəhdləri məhz Koreya yarımadasının nüvəsizləşdirilməsinə yönəlib”, - deyə Tillerson vurğulayıb.

Tillerson qeyd edib ki, KXDR rejiminə qalib gəldikdən sonra ilk növbədə ölkəni bütün nüvə ehtiyatlarından təmizləmək lazımdır.

“Birləşmiş Ştatlar KXDR-də həyat nizamını bərpa etmək üçün zəruri olan bütün tədbirləri öz üzərinə götürməyə hazırdır. Bundan sonra isə qoşunlar yenidə Cənubi Koreyadakı mövqelərinə qayıdacaq”, - deyə Tillerson bildirib.

Ağalar Qəribov
Ordu.az