Ordu.az TASS informasiya agentliyinə istinadən xəbər verir ki, bu barədə Cənub Hərbi Dairəsinin mətbuat xidməti məlumat yayıb.

“Təlimlərin gedişində hava ərazisinin yarıb keçən şərti düşməni imitasiya edən hava hədəflərinin aşkarlanması, ələ keçirilməsi və məhvinə dair, həmçinin fəlakətə məruz qalan şərti təyyarələrə yardımın göstərilməsi üzrə hərəkətlər üzərində işlənib”, - deyə hərbi dairənin zabiti qeyd edib.

O, bildirib ki, Cənubi Qafqazda bu təlimlərin keçirilmə səbəbi yüksək dağlıq ərazilərdə uçuşların artması ilə bağlıdır. Bununla belə, Cənub Hərbi Dairəsinin hərbi qulluqçuları 100 metrdən 5 kilometrədək yerləşən hədəflərin məhv edilməsi üzərində çalışıblar.

Təlimdə Rusiya tərəfindən 300 hərbi xidmətçi və 50-dən çox hərbi texnika, o cümlədən Buk-M1 və S-300V ZRK-ları, və 4-cü nəsil MiQ-29 qırıcıları iştirak edib.

Ağalar Qəribov
Ordu.az