Ordu.az xəbər verir ki, bu barədə “Ura.ru” məlumat yayıb.

“Biz bu addımı hakimiyyət üçün arzuolunmaz olan müxalifət nümayəndələrinə qarşı repressiyaların yeni mərhələsi kimi qiymətləndiririk”, - deyə Medvedev bildirib.

Onun sözlərinə görə, Ermənistanda keçirilən seçkilər zamanı inzibati resurslardan fəal istifadə olunub və müxtəlif təzyiq halları baş verib ki, bu da hakimiyyətin demokratiyanın qorunması ilə bağlı bəyanatları ilə uzlaşmır.

Medvedev həmçinin qeyd edib ki, Qərbin Ermənistandakı seçki kampaniyasına müdaxiləsi misli görünməmiş səviyyədə olub.

“Bütün bunlar Qərb ölkələrinin tam susqunluğu fonunda baş verir... Onlar özlərinin sevimli neokolonial təcrübələrinə uyğun olaraq Ermənistanın dövlət aparatını sözün əsl mənasında əl ilə idarəetmə rejiminə keçiriblər”, - deyə o bildirib.

Alpər Mövludoğlu
Ordu.az