Ordu.az jurnalistə istinadən xəbər verir ki, danışıqların mövzuları arasında Livanda atəşkəs rejiminə əməl olunmasının təmin edilməsi və Hörmüz boğazında gəmiçilik məsələsi də olub.

"Amerikalı diplomat bildirib ki, gün ərzində diqqət mərkəzində olan mövzulardan biri "Livanda münaqişənin nizamlanması mexanizmi və atəşkəsə əməl olunmasının təmin edilməsi" olub... ABŞ, İran və vasitəçilər həmçinin Hörmüz boğazını və onun bağlanması ilə bağlı son İran bəyanatlarını da müzakirə ediblər", - jurnalist bildirib.

"Biz bu istiqamətdə yaxşı irəliləyiş əldə etdik", - Ravid diplomatın sözlərini sitat gətirib.

Digər məsələlərlə yanaşı, Vaşinqton və Tehran arasındakı "nüvə sazişinin bütün elementləri" də müzakirə edilib.

"Görünür, hər dörd tərəf (görüşdə Pakistan və Qətər nümayəndələri iştirak edirdilər - red.) bugünkü danışıqların necə keçdiyindən razıdır", - jurnalist amerikalı diplomatdan sitat gətirib.

O əlavə edib ki, siyasi səviyyədə danışıqlar bazar ertəsi başa çatacaq, texniki qrupların isə İsveçrədə qalacağı və müzakirələri davam etdirəcəyi gözlənilir.

Daha əvvəl ABŞ Prezidenti Donald Tramp Tehranın Hörmüz boğazını açmayacağı və Livandakı proksi qüvvələrinin fəaliyyətinin qarşısını almayacağı halda, İrana yenidən ağır zərbələr endiriləcəyini açıqlayıb. "Tasnim" agentliyinin məlumatına görə, bundan sonra İran heyəti danışıqlar məkanını tərk edib.

Ordu.az