Ordu.az xəbər verir ki, bu barədə Heqset Ağ Evdə keçirilən Nazirlər Kabinetinin aylıq iclasında danışıb.

“Ya danışıqlar aparan nümayəndələrimiz onların heç vaxt nüvə silahına sahib olmayacağına dair möhkəm təminatlar əldə edəcəklər, ya da biz müdafiə qurumuna qayıdaraq bu işi hərbi yolla başa çatdırmalı olacağıq. Biz hər iki ssenariyə hazırıq”, - deyə Pentaqon rəhbəri bildirib.

Heqset qeyd edib ki, ABŞ-nin tətbiq etdiyi sərt dəniz və iqtisadi blokada İran limanlarını faktiki olaraq iflic edib və məhz bu genişmiqyaslı hərbi təzyiq Tehranı danışıqlar masasına gətirib.

“Biz qlobal səviyyədə blokada yaratmışıq. Onlar İran limanlarına heç nə idxal edə, oradan isə heç nə ixrac edə bilmirlər. Kəşfiyyat məlumatları açıq şəkildə göstərir ki, onların iqtisadiyyatı böyük itkilər verir. Çünki bu dəniz arteriyaları onların əsas həyat mənbəyidir”, - deyə Heqset vurğulayıb.

Sevinc Əliyeva
Ordu.az