Ordu.az xəbər verir ki, bunu Fransanın xarici işlər naziri Jan-Noel Baro açıqlayıb.

O, İsrailin milli təhlükəsizlik naziri İtamar Ben-Qvirin beynəlxalq fəallara münasibətini “qəbuledilməz” adlandırıb.

“Fransadakı İsrail səfirinin çağırılması, narazılığımızın ifadə olunması və izahat alınması barədə göstəriş vermişəm”, - deyə Baro “X” sosial şəbəkəsində yazıb.

Nazir vurğulayıb ki, Fransa vətəndaşlarının təhlükəsizliyi prioritet məsələdir.

Bununla yanaşı, Fransa tərəfi donanma təşkilatçılarının metodları ilə razılaşmasa da, saxlanılan Fransa vətəndaşlarına hörmətlə yanaşılmalı və onların mümkün qədər tez azad edilməli olduğunu bildirib.

Sevinc Əliyeva
Ordu.az