Ordu.az xəbər verir ki, bunu ABŞ dövlət katibi Marko Rubio bildirib.

“Prezident açıq şəkildə başa salıb ki, əgər iranlılar bizim daxili siyasətimizdən istifadə edərək ona pis razılaşma qəbul etdirə biləcəklərini düşünürlərsə, bu baş verməyəcək”, - deyə Rubio “NBC News”a müsahibəsində bildirib.

O xatırladıb ki, ABŞ-də artıq benzinin qiymətini nəzarətdə saxlamaq üçün tədbirlər görülüb və “qiymətlər aşağı düşəcək”.

Çərşənbə axşamı Tramp bildirmişdi ki, İranla bağlı vəziyyətə görə amerikalıların maliyyə durumu onu narahat etmir.

Onun sözlərinə görə, əsas məqsəd İranın nüvə silahı əldə etməsinin qarşısını almaqdır.

“Heç bir halda. İran məsələsində yeganə vacib olan odur ki, onların nüvə silahı olmasın”, - deyə ABŞ prezidenti jurnalistlərə bildirib.

O, həmçinin ABŞ vətəndaşlarının maliyyə vəziyyətinin pisləşməsinin onu İranla razılaşmaya sövq edib-etməyəcəyi ilə bağlı suala cavab verib.

Tramp əlavə edib ki, əgər İran hakimiyyəti “düzgün olanı etməsə”, o zaman özü “işi sona çatdıracaq”.

ABŞ prezidentinin sözlərinə görə, Vaşinqton “yalnız yaxşı razılaşma bağlayacaq”.

Sevinc Əliyeva
Ordu.az