Ordu.az xəbər verir ki, Polşanın müdafiə nazirinin müavini Pavel Zalyevski də həmin tarixdə sazişin imzalanmasının planlaşdırıldığını təsdiqləyib.
“Biz bunu 1991-ci il iyunun 17-də imzalanmış Qonşuluq Müqaviləsinin 35 illiyi ilə əlaqədar planlaşdırırıq. Hazırda danışıqları aparılan müdafiə sazişini ölkələrimiz arasında imzalayacağıq”, - deyə Berger bildirib.
Diplomat qeyd edib ki, danışıqlar davam edir, lakin sazişin məqsədi “müdafiə sahəsində artıq formalaşmış əla əməkdaşlıq” üçün hüquqi baza yaratmaqdır.
Nümunə olaraq o, Almaniyanın “Eurofighter” qırıcılarının Malborkdakı mövcudluğunu və 2025-ci ilin dekabrına qədər Almaniyanın “Patriot” batareyalarının həyata keçirdiyi Jeşuv-Yasyonka hava limanı ətrafında hava məkanının müdafiəsi missiyasını göstərib.
2026-cı il Almaniya-Polşa konfransı iyunun 17-də Berlində, Almaniyanın Xarici İşlər Nazirliyinin binasında keçiriləcək.
Bu ilin mövzusu “Dəyişikliklər dövründə qonşuluq: Polşa-Almaniya əməkdaşlığının 35 ili” olacaq.
Tədbirdə baş nazirin müavini və xarici işlər naziri Radoslav Sikorski, həmçinin Almaniyanın xarici işlər naziri Yohann Vadefulun iştirakı planlaşdırılır.
1991-ci il iyunun 17-də kansler Helmut Kol və Polşanın baş naziri Yan Kşiştof Beletski Almaniya ilə Polşa arasında qonşuluq və dostluq əməkdaşlığı haqqında müqavilə imzalayıblar.
Sevinc Əliyeva
Ordu.az
