Ordu.az xəbər verir ki, bunu NATO-nun Baş katibi Mark Rutte bildirib.

Onun sözlərinə görə, Vaşinqton alyans üzvlərinin müdafiə xərclərini artırmaq təşəbbüsünə müsbət yanaşır.

Mətbuat konfransında çıxış edən NATO rəhbəri bildirib ki, alyans ABŞ-nin narazılıqlarını nəzərə alıb və mövcud problemlərin həlli istiqamətində addımlar atacaq.

“Biz 5%-lik həddə çatmaq üçün fəal işləyirik. Bəzi ölkələr bu göstəriciyə 2035-ci ildən daha tez nail olmaq üçün tempi artırır”, - deyə Rutte vurğulayıb.

Baş katib xüsusilə Almaniyanı qeyd edərək, ölkənin müdafiə xərclərini 2029-cu ilə qədər 50 milyard avroya çatdırmaq planını yüksək qiymətləndirib.

Sevinc Əliyeva
Ordu.az