Ordu.az xəbər verir ki, Akyol bu barədə AA müxbirinə açıqlamasında danışıb.
O, Türkiyə və Avropanın ən böyük müdafiə, aviasiya və kosmik sənaye klasteri olan “SAHA İstanbul”un təşkilatçılığı ilə İstanbul Sərgi Mərkəzində keçirilən və AA-nın Qlobal Kommunikasiya Tərəfdaşı olduğu SAHA 2026 sərgisi ilə bağlı dəyərləndirmələr edib.
Müharibələrin davam etdiyi bir dövrdə belə bir sərginin keçirilməsinin böyük əhəmiyyət daşıdığını vurğulayan Akyol tədbirdə beynəlxalq səviyyədə ciddi iştirakın olmasından qürur duyduğunu bildirib.
Akyol qeyd edib ki, bu maraq Türkiyənin texnologiya sahəsində kritik həddi aşdığını göstərir.
“SAHA 2026-nı Türkiyənin artıq texnoloji imkanlarını dünyaya tanıtdığı ən gözəl reklam platforması kimi görürəm. Bu gün buraya 20-si “Teknopark İstanbul”, 20-si Müdafiə Sənayesi Komitəsinə (MSK) aid olmaqla, 40-ı isə öz stendlərində iştirak edən ümumilikdə 80 şirkətlə demək olar çıxarma etdik. Bu da “Teknopark İstanbul”un ekosistemdəki gücünü göstərir. Müdafiə sənayesi bizim ixtisas sahəmizdir və bizim MSK-nin törəmə qurumu olmağımız, həmçinin Komitənin vizyonu çərçivəsində həllər istehsal edərək əməkdaşlıqlar qura bilməyimiz güclü tərəflərimizdən biridir. MSK idarə rəislərimizin hər həftə şirkətlərimizlə görüşləri keçirilir və şirkətlərimiz hazırladıqları AR-GE texnologiyalarını birbaşa onlara təqdim edə bilirlər”, - deyə o bildirib.
Akyol sərgidə yüngül və rahat geyilə bilən polad zirehlərdən kibertəhlükəsizliyə, süni zəkadan dəniz vasitələrinə qədər geniş sahədə fəaliyyət göstərən şirkətlərin hazırladıqları məhsulları ilk dəfə nümayiş etdirdiklərini də vurğulayıb.
“Teknopark İstanbul”un hazırda 600-ü AR-GE olmaqla, ön inkubasiya mərkəzləri ilə birlikdə təxminən 1000 şirkətə çatdığını və bu çətir altında 11 min əməkdaşın çalışdığını qeyd edən Akyol belə davam edib:
“Burada ASPİLSAN ilə müqavilə imzaladıq. Bizim ASELSAN, ROKETSAN, HAVELSAN və TUSAŞ kimi vəqf şirkətləri ilə əməkdaşlığı sürətləndirmə proqramlarımız var. Biz onların ehtiyac və problemlərinə yönəlmiş yeni sahibkarları hazırlayır və prosesi birlikdə idarə edirik. ASELSAN və ya TUSAŞ mühəndisləri ilə onların problemlərinə uyğunlaşa biləcək şirkətləri sürətləndiririk. İndi isə eyni addımı batareya və enerji idarəetmə sistemləri sahəsində ASPİLSAN ilə atdıq. Ümid edirəm ki, bu həm “Teknopark İstanbul”, həm ölkəmiz, həm də ASPİLSAN üçün xeyirli olacaq”.
Sevinc Əliyeva
Ordu.az
