Ordu.az xəbər verir ki, bu barədə ABŞ Dövlət Departamentinin sözçüsü Tommi Piqqonun bəyanatında bildirilib.
“Görüş ABŞ və Müqəddəs Taxt-Tac arasında möhkəm münasibətləri, həmçinin sülhün və insan ləyaqətinin möhkəmləndirilməsinə dair ortaq öhdəliyi vurğulayıb”, - deyə məlumatda qeyd olunub.
Rubio həmçinin Vatikanda Müqəddəs Taxt-Tacın dövlət katibi kardinal Pietro Parolin ilə görüşərək qarşılıqlı əməkdaşlıq məsələlərini və aktual beynəlxalq problemləri müzakirə edib.
“Dövlət katibi Rubio arxiyepiskop Kaççianın ABŞ-yə yeni apostol nümayəndəsi kimi yaxın zamanda təyin olunmasını məmnunluqla qarşılayıb. Tərəflər Qərb yarımkürəsində həyata keçirilən humanitar səyləri və Yaxın Şərqdə davamlı sülhə nail olmaq istiqamətində aparılan fəaliyyətləri müzakirə ediblər. Müzakirələr ABŞ və Müqəddəs Taxt-Tac arasında dini azadlığın təşviqi sahəsində möhkəm tərəfdaşlığı əks etdirib”, - deyə ABŞ Dövlət Departamentinin məlumatında vurğulanıb.
Sevinc Əliyeva
Ordu.az
