Eyni zamanda İsrail elan edilmiş atəşkəsə baxmayaraq Livan ərazisinə zərbələr endirməyə davam edir ki, bu da atəşkəs rejiminin faktiki pozulduğunu göstərir. Ümumilikdə region uzunmüddətli eskalasiya vəziyyətində qalır və gərginliyin daha da artması riski saxlanılır.

Ordu.az Yaxın Şərqdə cümə axşamı gecəsi baş verən əsas hadisələrin qısa xülasəsini təqdim edir.

ABŞ Prezidenti Donald Tramp bildirib ki, Vaşinqton İranla uğurlu danışıqlar aparıb və yaxın vaxtlarda razılığa gəlmək mümkün olacaq.

İran parlamentinin sədri Məhəmməd Baqer Qalibaf mayın 7-də mediada Vaşinqton və Tehran arasında mümkün razılaşma barədə yayılan məlumatları istehzalı şəkildə şərh edib. O, “X” sosial şəbəkəsində yazıb: “Mənə etibar et, qardaş” əməliyyatı uğursuz oldu. İndi isə “Fauxios” əməliyyatı ilə gündəlik həyata qayıdırıq.

İsveçrənin Xarici İşlər Nazirliyinin rəsmi nümayəndəsi Melani Qugelman mayın 7-də bildirib ki, Cenevrə ABŞ və İran arasında danışıqlara ev sahibliyi etməyə hazırdır.

Vaşinqton Tehrana memorandum çərçivəsində limanların blokadasının aradan qaldırılmasını təklif edib. Tehran Vaşinqtonun çərçivə təklifini qəbul edərsə, tərəfləri təfərrüatlı saziş üzrə 30 günlük danışıqlar gözləyir. ABŞ tərəfinin tələbləri sırasında İranın əsas nüvə obyektlərinin sökülməsi və islam respublikasında uranın zənginləşdirilməsinə 20 illik moratorium tətbiqi var. Bu barədə “The Wall Street Journal” yazır.

Sevinc Əliyeva
Ordu.az