Ordu.az xəbər verir ki, bu barədə “NBC News” telekanalı ABŞ administrasiyasındakı iki anonim nümayəndəyə istinadən məlumat yayıb.
Telekanalın məlumatına görə, Vaşinqton krallığı təşəbbüs barədə əvvəlcədən məlumatlandırmadığı üçün Ər-Riyad ABŞ-yə dəstək verməyib.
Mənbələrin bildirdiyinə görə, ABŞ Prezidenti Donald Trampın əməliyyatın başlanması barədə açıqlaması Körfəz ölkələri üçün gözlənilməz olub və “Səudiyyə Ərəbistanı rəhbərliyini qəzəbləndirib”.
Cavab addımı olaraq Ər-Riyad Vaşinqtonu məlumatlandırıb ki, ABŞ hərbçilərinə “Şahzadə Sultan” aviabazasından istifadə etməyə icazə verməyəcək və öz hava məkanının istifadəsini qadağan edəcək.
“NBC News” qeyd edir ki, bundan sonra Tramp ilə Səudiyyə Ərəbistanının vəliəhdi Məhəmməd bin Salman Al Səud arasında baş tutan telefon danışığı vəziyyəti dəyişməyib. Nəticədə ABŞ lideri əməliyyatı müvəqqəti dayandırmağa məcbur olub.
Sevinc Əliyeva
Ordu.az
