Ordu.az xəbər verir ki, TUSAŞ və TEI arasında pilotsuz uçuş aparatı mühərriklərinin tədarükünə dair strateji razılaşma əldə olunub.
TEI Baş direktoru professor Mahmut Faruk Akşit və TUSAŞ Baş direktoru Mehmet Dəmiroğlunun iştirakı ilə TUSAŞ tərəfindən hazırlanan pilotsuz uçuş aparatı sistemləri üçün 100 ədəd TEI-PD170 turbodizel mühərrikinin tədarükü ilə bağlı müqavilə imzalanıb.
Türkiyənin pilotsuz uçuş aparatı ailəsində yer alan və ixrac edilərək ölkə sərhədlərindən kənarda da uğurlarını sübut edən ANKA və AKSUNGUR üçün strateji əməkdaşlığa imza atılıb. TUSAŞ, TEI ilə ANKA və AKSUNGUR proqramları çərçivəsində ehtiyac duyulan 100 ədəd TEI-PD170 mühərrikinin tədarükünə dair müqavilə bağlayıb. İmzalanma mərasimi sənayenin ən nüfuzlu tədbirlərindən biri olan SAHA 2026 sərgisində baş tutub.
Təhvil prosesi davam edir
Bundan əvvəl imzalanmış razılaşmalara əsasən, bu günə qədər ANKA və AKSUNGUR pilotsuz uçuş aparatları üçün 40 ədəd TEI-PD170 mühərriki təhvil verilib. Yerli və milli imkanlarla hazırlanmış TEI-PD170 mühərriklərinin inteqrasiya edildiyi AKSUNGUR platforması ilk dəfə 2025-ci il dekabrın ında inventara daxil edilmişdi. TEI-PD170 mühərrikinə malik platformaların təhvil prosesi isə planlaşdırılmış təqvimə uyğun olaraq fasiləsiz davam edir.
TEI-PD170 mühərrikinin seçilən imkanları
TEI tərəfindən hazırlanmış Türkiyənin ilk milli turbodizel aviasiya mühərriki TEI-PD170 qabaqcıl texniki imkanları ilə diqqət çəkir. 3 min 600 saatlıq mühərrik ömrü ilə yanaşı, tapşırıq hündürlüyünə daha sürətli qalxma, daha yüksək hündürlüklərə çıxış qabiliyyəti, yüksək elektrik enerjisi istehsal gücü və səmərəli yanacaq sərfiyyatı kimi üstünlüklər təqdim edən mühərrik platformanın performansına birbaşa töhfə verir.
Mühərrik yerli resurs və işçi qüvvəsi ilə istehsal oluna bilməsi sayəsində xarici asılılığın azaldılması və dayanıqlı tədarük zəncirinin yaradılması baxımından da strateji əhəmiyyət daşıyır.
Yerlilik və ixrac hədəflərinə töhfə
Bu əməkdaşlıq Türkiyənin aviasiya mühərrikləri sahəsindəki imkanlarını gücləndirməklə yanaşı, milli platformaların yerlilik səviyyəsinin artırılması və beynəlxalq bazardakı rəqabət gücünün yüksəldilməsi hədəflərinə mühüm töhfə verəcək.
Sevinc Əliyeva
Ordu.az
