Ordu.az xəbər verir ki, bu barədə CBS telekanalı ABŞ-nin rəsmi mənbələrinə istinadən məlumat yayıb.

Bundan əvvəl Böyük Britaniyanın Dəniz Ticarət Əməliyyatları İdarəsi (UKMTO) Hörmüz boğazında mərminin yük gəmisinə dəydiyini bildirmişdi, lakin həmin vaxt gəminin adı açıqlanmamışdı.

“Fars körfəzində yük gəmisi raket atəşinə məruz qalıb. İlkin məlumatlara görə, zərbə qurudan endirilib. Hücum nəticəsində ekipajın bir neçə filippinli üzvü yaralanıb. Fransız şirkətinə məxsus CGM “San Antonio” gəmisi yerli vaxtla çərşənbə axşamı axşamı hədəfə alınıb”, - deyə telekanalın saytında ABŞ-nin rəsmi mənbələrinə istinadən bildirilib.

CBS həmçinin xəbər verir ki, günorta saatlarında gəmi Dubay yaxınlığında olub, lakin bundan sonra onun hərəkət trayektoriyasını izləmək mümkün olmayıb.

Sevinc Əliyeva
Ordu.az