Erməni baş direktor: “300 mindən çox azərbaycanlının şəhər və kəndlərə köçürülməsi qərara alınıb”

2021/02/aram--1613986999.jpg
Oxunub: 1747     14:23     29 Aprel 2026    
“Mənbələrə görə, səfər Paşinyanın Bakı qarşısında götürdüyü öhdəliklərlə bağlıdır. Həmin öhdəliklərə əsasən, azərbaycanlılar Sovet Ermənistanı ərazisindəki keçmiş yaşayış məntəqələrinə qayıtmalıdırlar”.

Ordu.az xəbər verir ki, bu barədə “News Media” şirkətinin erməni əsilli baş direktoru Aram Qabrelyanov “Facebook” sosial şəbəkəsində Azərbaycan Baş nazirinin müavininin İrəvana səfərini şərh edərək yazıb.

“300 mindən çox azərbaycanlının aşağıdakı şəhər və kəndlərə köçürülməsi qərara alınıb: Kotayk vilayətinin Arzakan, Geranis və Marmarik yaşayış məntəqələrinə, Göyçə vilayətinin (Göyçə gölü yaxınlığında, hazırda Azərbaycanın nəzarəti altında olan Kəlbəcər sərhədində) Vardenis, Zod, Ağbradzor, Çağkunk, Lçap və Tsovazard icmalarına, Armavir vilayətinin Çağkalanç, Qriboyedov və Haykaşen kəndlərinə, həmçinin Araqatsotn vilayətinin Bazmağbyur və Saralanç yaşayış məntəqələrinə. Böyük köçürülmə proqramının həyata keçirilməsinə seçkilərdən dərhal sonra başlanacaq. Həmin vaxt Zəngəzur vilayətinə aid “Ümumi ev” layihəsinin müqaviləsi də imzalanacaq”, - deyə Qabrelyanov yazıb.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Azərbaycan  


Bizi "telegram"da izləyin