Ordu.az xəbər verir ki, bu barədə “Reuters” altı mənbəyə istinadən məlumat yayıb.

Bu addım ABŞ prezidenti Donald Trampla onun səlahiyyət müddətinin son ilində mümkün gərgin görüşdən yayınmağa imkan verə bilər.

Tramp administrasiyası ABŞ-nin rəhbərlik etdiyi müdafiə alyansının bir çox üzvünü dəfələrlə sərt tənqid edib, bu yaxınlarda isə onlardan bəzilərini İrana qarşı Amerika hərbi əməliyyatlarına kifayət qədər yardım göstərməməkdə ittiham edib.

NATO sammitlərinin keçirilmə tezliyi alyansın 77 illik tarixində dəyişib, lakin 2021-ci ildən etibarən liderlər hər yay görüşürlər. Bu il onlar iyulun 7-si və 8-də Ankarada toplaşacaqlar.

NATO 2028-ci ildə, ABŞ prezident seçkiləri və Trampın səlahiyyət müddətinin son tam təqvim ilində ümumiyyətlə sammit keçirməmək imkanını nəzərdən keçirir.

Başqa bir həmsöhbət bəyan edib ki, bəzi ölkələr sammitlərin iki ildən bir keçirilməsində israr edir. O əlavə edib ki, son söz baş katib Mark Rütteyə məxsusdur.

Sevinc Əliyeva
Ordu.az