Ordu.az xəbər verir ki, bu barədə AFP məlumat yayıb.

O, Avropanı fəallaşmağa və dünyadakı təsir imkanlarından istifadə etməyə çağırıb.

“ABŞ prezidentinin, Rusiya prezidentinin və Çin prezidentinin avropalılara qarşı çıxdığı bu məqamın unikal an olduğunu qiymətdən salmaq olmaz”, - deyə Makron bildirib.

Makron uzun müddətdir Avropanı təhlükəsizliyini ABŞ-yə arxalanmadan özü gücləndirməyə çağırır və cümə günü yenidən NATO-nun Avropa hissəsinin gücləndirilməsinə səsləyib.

“İndi 5-ci maddə ilə bağlı şübhələr yaranır”, - deyə Makron bildirib. O, NATO-nun əsas prinsipi olan qarşılıqlı müdafiəni nəzərdə tutub. Həmin prinsipə görə təşkilat üzvləri hücum halında bir-birinə yardım edirlər.

“Bu şübhələr faktiki olaraq alyansın möhkəmliyini zəiflədir”, - deyə Makron bəyan edib.

Sevinc Əliyeva
Ordu.az