Ordu.az xəbər verir ki, bu barədə CNN telefon danışığı ilə tanış olan amerikalı və israilli mənbələrə istinadən məlumat yayıb.

Danışıq İsrailin Livan ilə birbaşa atəşkəs danışıqlarına başlamaq niyyətindən qısa müddət əvvəl baş tutub.

İsrailli mənbə bildirib ki, Netanyahu başa düşüb ki, əgər o, Livan ilə birbaşa danışıqlara çağırış etməsə, Tramp sadəcə atəşkəs elan edə bilər.

Bu, bu həftə iki dünya lideri arasında Livanın əsas mövzu olduğu ən azı üçüncü telefon danışığı olub. Çərşənbə axşamı, Tramp İran ilə iki həftəlik atəşkəs elan etməzdən əvvəl liderlər danışıq aparıblar. İsrailli mənbəyə görə, Netanyahu Trampı Livanı İran ilə atəşkəs razılaşmasından kənarda saxlamağa çağırıb. Onlar bir gün sonra yenidən danışıb, bu zaman məlum olub ki, İsrailin zərbələri nəticəsində 303 nəfər həlak olub, Tramp isə çərşənbə günü Netanyahuya Livanda “Hizbullah”a qarşı hücumları azaltmağı xahiş edib.

Cümə axşamı üçüncü telefon danışığı baş tutub və bundan əvvəl Netanyahu birbaşa danışıqlar barədə açıqlama verib.

CNN-in sorğusuna cavab olaraq, Netanyahu ofisi bildirib ki, Tramp ilə “gərgin” telefon danışığı barədə təsvir saxta xəbərdir və bu, dostcasına müzakirə olub.

Sevinc Əliyeva
Ordu.az