Ordu.az xəbər verir ki, bu barədə “BBC News” Dauninq Stritin bəyanatına istinadən məlumat yayıb.

Starmer Qətərə eniş edib və orada ABŞ prezidenti ilə telefon danışığı aparıb.

Böyük Britaniya hökumətinin bəyanatında deyilir ki, Starmer “tərəfdaşları bir araya gətirmək üçün Böyük Britaniyanın səylərini, gəmiçilik dəhlizinin yenidən açılması üçün işlək plan ətrafında razılıq əldə olunması istiqamətində görülən işi” təqdim edib.

“Onlar razılaşıblar ki, indi, atəşkəs bərqərar olunduqdan və boğazın açılması barədə razılaşma əldə edildikdən sonra biz həll tapılmasının növbəti mərhələsindəyik”, - deyə bəyanatda bildirilir.

Həmçinin qeyd olunur ki, Starmer və Tramp “gəmiçiliyin mümkün qədər tez bərpası üçün praktiki plan hazırlanmasının zəruriliyini” müzakirə ediblər.

Sevinc Əliyeva
Ordu.az