Ordu.az xəbər verir ki, bu barədə xarici KİV-lər məlumat yayıb.

“Beynəlxalq boğazlardan keçən gəmilər üçün ödənişlərin tətbiqinə imkan verən heç bir beynəlxalq razılaşma yoxdur”, - deyə IMO nümayəndəsi bildirib.

IMO üzv dövlətlərinin qəbul etdiyi BMT-nin Dəniz hüququ üzrə konvensiyasına (UNCLOS) əsasən, gəmilər beynəlxalq boğazlardan tranzit keçid hüququna malikdir.

“Boğaza sahildar dövlətlər bu hüququn həyata keçirilməsinə mane olmamalı və ya tranzit keçidi dayandırmamalıdır”, - deyə IMO nümayəndəsi əlavə edib.

Boğaz beynəlxalq sular kimi təsnif edilmir.

Xəbərdarlıqdan əvvəl İran KİV-ləri bildirmişdi ki, İran boğazdan keçən gəmilərdən 2 milyon dollara qədər tranzit rüsumu tətbiq etmək imkanını nəzərdən keçirir və bu gəlirin digər sahildə yerləşən Omanla bölüşdürülməsi planlaşdırılır. Digər məlumatlara görə isə İran boğazdan daşınan neftin hər barelinə görə 1 dollar ödəniş tətbiq edə bilər.

Sevinc Əliyeva
Ordu.az