Ordu.az xəbər verir ki, şirkətlər sözügedən razılaşmanı FIDAE 2026 çərçivəsində elan ediblər.
Razılaşma hökumətdən-hökumətə (G2G) təchizat modellərinə fokuslanır. ALADA qısa müddət əvvəl Braziliya Müdafiə Nazirliyi tərəfindən ölkənin müdafiə sənayesi adından bu cür əməliyyatları həyata keçirmək üçün səlahiyyətləndirilib.
Bildirilib ki, anlaşma memorandumunun məqsədi xüsusilə Latın Amerikası və Afrikada tez-tez üstünlük verilən G2G çərçivələri daxilində müdafiə məhsulları və xidmətlərinin ixracı üzrə imkanların qiymətləndirilməsidir.
Şirkətlərin məlumatına görə, razılaşma yeni bazarlara çıxışı dəstəkləməyi və “Embraer”in müdafiə portfelində yer alan platformalarla bağlı danışıqları asanlaşdırmağı hədəfləyir. Bu platformalar arasında KC-390 Millennium və A-29 “Super Tucano” da yer alır.
Qeyd edilib ki, bu təşəbbüs Braziliyanın müdafiə ixracını dövlət dəstəyi ilə və daha strukturlaşdırılmış mexanizmlər vasitəsilə genişləndirməyə yönəlmiş davamlı səylərin bir hissəsidir.
Sevinc Əliyeva
Ordu.az
