Ordu.az xəbər verir ki, bu barədə AFP məlumat yayıb.

“Orduya və təhlükəsizlik qüvvələrinə Beyrut qubernatorluğunda dövlətin tam hakimiyyətinin möhkəmləndirilməsinə dərhal başlamaq və silahı yalnız qanuni hakimiyyət orqanlarının əlində cəmləşdirmək çağırışı edilir”, - deyə Livanın baş naziri Nəvaf Salam Nazirlər Kabinetinin iclasından sonra bildirib.

Öz növbəsində, informasiya naziri Pol Morkos qeyd edib ki, bu qərar kabinetdəki iki “Hizbullah” nazirinin etirazına səbəb olub.

Livan hökuməti martın əvvəlində, İsraillə müharibə başlayandan qısa müddət sonra “Hizbullah”ın hərbi fəaliyyətini qadağan edib, lakin bu qərar kabinetdə və parlamentdə təmsil olunan hərəkatın və siyasi partiyanın hərbi əməliyyatlar həyata keçirməsinə mane olmayıb.

Çərşənbə günü İsrail martın 2-də “Hizbullah”la müharibə başlayandan etibarən ən ağır aviazərbələr dalğasını həyata keçirib, nəticədə 200-dən çox insan həlak olub.

Livan Səhiyyə Nazirliyinin məlumatına görə, münaqişə cəmi bir ay ərzində 1700-dən çox insanın həyatına son qoyub. Livanda çərşənbə günü baş verən aviazərbələrdən sonra Salam bildirib ki, hökumət dərhal BMT Təhlükəsizlik Şurasına şikayət edəcək və regionda müharibəni dayandırmaq üçün bütün regional və beynəlxalq səylərə baxmayaraq təhlükəli eskalasiyanı pisləyib.

Morkos deyib ki, ABŞ-nin və İsrailin İranla ölkə ilə bağlı atəşkəsi müzakirə etmədiklərini bildirməsindən sonra hökumət Livanda atəşkəsin təmin edilməsi istiqamətində diplomatik iş aparır. İran cümə axşamı Livanı atəşkəs razılaşmasının ayrılmaz hissəsi adlandırıb.

Sevinc Əliyeva
Ordu.az