Ordu.az xəbər verir ki, bu barədə İtaliya baş nazirinin mətbuat xidməti məlumat yayıb.

“Şiə hərəkatı olan “Hizbullah”ın ölkəni bu münaqişəyə cəlb etmək qərarı məsuliyyətsiz idi, lakin artıq həddindən artıq çox qurbana və qəbuledilməz sayda köçkünə səbəb olmuş İsrailin Livandakı davamlı hücumları dərhal dayandırılmalıdır”, - deyə açıqlamada bildirilib.

Bundan başqa, Meloni İsrail ordusunun Livanda BMT-nin müvəqqəti qüvvələri tərkibində xidmət edən italyalı hərbçiləri hədəfə almasını pisləyib.

“İtalyalı hərbçilər Livanda BMT Təhlükəsizlik Şurasının mandatı ilə yerləşdirilib və sülhün qorunması naminə fəaliyyət göstərirlər. Buna görə də BMT bayrağı altında xidmət edən kontingentin bugünkü kimi məsuliyyətsiz hərəkətlər nəticəsində təhlükə altına düşməsi tamamilə yolverilməzdir və bu, BMT-nin 1701 saylı qətnaməsinin açıq pozulmasıdır”, - deyə bəyanatda vurğulanıb.

Sevinc Əliyeva
Ordu.az