Ordu.az xəbər verir ki, bu barədə “Tasnim” agentliyi Şuranın bəyanatına istinadən öz “Telegram” kanalında məlumat yayıb.

“Düşmən İran xalqına qarşı qorxaq, qeyri-qanuni və cinayətkar müharibəsində mübahisəsiz, tarixi və sarsıdıcı məğlubiyyətə uğrayıb. İran böyük qələbə qazanıb və cinayətkar Amerikanı özünün 10 bəndlik proqramını qəbul etməyə məcbur edib”, - deyə bəyanatda bildirilib.

Bəyanata əsasən, Amerika tərəfi İrana qarşı hücum etməməyə zəmanət verməyi, Tehranın Hörmüz boğazı üzərində nəzarətini saxlamağı, uranın zənginləşdirilməsi prosesinə mane olmamağı və bütün ilkin, həmçinin ikinci dərəcəli sanksiyaları ləğv etməyi öhdəsinə götürüb.

İran Təhlükəsizlik Şurasında vurğulanıb ki, respublikanın silahlı qüvvələri ABŞ obyektlərinə elə zərbələr endirib ki, bunlar “bütün dünyanın yaddaşında həmişəlik qalacaq”.

Bildirilib ki, Tehran regiondakı Amerika qüvvələrini, Vaşinqtonun infrastrukturunu və onun hərbi potensialını darmadağın edib.

Sevinc Əliyeva
Ordu.az