Ordu.az xəbər verir ki, bu barədə CNN məlumat yayıb.

O, eyni zamanda ABŞ Prezidenti Donald Trampdan İranla bağlı son müddəti iki həftə uzatmağı, İranın isə həmin iki həftə ərzində Hörmüz boğazını yenidən açmasını istəyib.

Regional mənbə CNN-ə bildirib ki, “tezliklə hər iki tərəfdən yaxşı xəbərlər gözlənilir” və danışıqları Pakistan ordusunun baş feldmarşalı Asim Munir aparıb.

Mənbə əlavə edib ki, bu axşam razılaşmanın bağlanması gözlənilir.

Ağ Ev çərşənbə axşamı açıqlayıb ki, Tramp Şərifin təklif etdiyi atəşkəsdən xəbərdardır və “cavab veriləcək”.

Tramp daha əvvəl bildirmişdi ki, ABŞ İranda müharibə ilə bağlı “intensiv danışıqlar” aparır, lakin təfərrüat verməkdən imtina edib.

Pakistan Misir, Türkiyə və Səudiyyə Ərəbistanı ilə birlikdə münaqişə tərəfləri arasında vasitəçi kimi çıxış edir.

“Yaxın Şərqdə davam edən müharibənin sülh yolu ilə həllinə yönəlmiş diplomatik səylər sabit, qətiyyətli və güclü irəliləyiş nümayiş etdirir və yaxın gələcəkdə əhəmiyyətli nəticələr verə bilər”, - deyə Şərif bildirib.

Sevinc Əliyeva
Ordu.az