Ordu.az xəbər verir ki, bu barədə Ermənistan İstintaq Komitəsi məlumat yayıb.

Məlumata görə, müqavilə əsasında xidmət edən erməni hərbi qulluqçu həyatını itirib.

Bildirilib ki, ilkin istintaq zamanı bir sıra təxirəsalınmaz istintaq və digər prosessual tədbirlər həyata keçirilib.

Daha əvvəl Ermənistan KİV-ləri bildirmişdi ki, aprelin 2-də Armavir vilayətində, Bağramyan icmasının ərazisində yerləşən və yerli əhali arasında Ermənistan Müdafiə Nazirliyinin “poliqonları” kimi tanınan sahədə faciəvi hadisə baş verib.

Həmin ərazidə partlayış baş verib, nəticədə 29 yaşlı hərbçi ölüb, 39 yaşlı digər hərbçi isə bədən xəsarətləri alaraq hərbi hospitala çatdırılıb.

Alpər Mövludoğlu
Ordu.az