Ermənistan MN-ə məxsus ərazidə partlayış baş verib: 1 nəfər ölüb, 1 nəfər yaralanıb

2020/05/vzriv-1589022045.jpg
Oxunub: 489     22:37     02 Aprel 2026    
Bu gün Ermənistanın Armavir vilayətində, genişləndirilmiş Bağramyan icmasının sakinlərinə “poliqonlar” kimi tanınan Ermənistan Müdafiə Nazirliyinə məxsus ərazidə hadisə baş verib.

Ordu.az xəbər verir ki, bu barədə Ermənistan KİV-ləri məlumat yayıb.

Məlumata görə, həmin ərazidə partlayış baş verib, nəticədə 29 yaşlı erməni hərbi qulluqçu ölüb, 39 yaşlı digər erməni hərbi qulluqçu isə bədən xəsarətləri alaraq hərbi hospitala aparılıb.

Hadisə ilə bağlı Ermənistan İstintaq Komitəsinin hərbi istintaq baş idarəsinin qarnizon istintaq idarəsində cinayət işi başlanıb, ölən və yaralanan şəxslərin kimliyi, həmçinin hadisənin başvermə şəraiti araşdırılır.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   MN  


Bizi "telegram"da izləyin