Ordu.az xəbər verir ki, bunu “Yerablur”da jurnalistlərlə söhbətində Ermənistan parlamentinin “Hayastan” fraksiyasının deputatı Artur Xaçatryan deyib.

Onun sözlərinə görə, hesabatın mövcudluğu ilə bağlı iddialar həqiqətə uyğun deyil: “Komissiyanın 11 üzvündən cəmi dördü sənədi imzalayıb, buna görə də bu hakimiyyət hətta həmin hesabatı belə hazırlaya bilməyib”.

Xaçatryan bildirib ki, hakimiyyət bütün məğlubiyyətləri gizlədir və sənədləri dərc etmir: “Hətta məxfi olmayan hissələri belə açıqlamırlar ki, ictimaiyyət oxuya, müqayisə edə və 2016-cı ildə nə baş verdiyini, 2020-ci ildə nə baş verdiyini görə bilməsin”.

O qeyd edib ki, hakimiyyətin əvvəlki bəyanatları ilə indiki mövqeyi ziddiyyət təşkil edir: “Vaxtilə deyilirdi ki, müharibə bir və ya iki rayonun və ya şəhərin ələ keçirilməsi ilə bitə bilər. Bu gün isə eyni siyasi qüvvə bildirir ki, “Qarabağ hərəkatı” (erməni separatizmi-red.) artıq mövcud deyil və bu hərəkat Ermənistan üçün məğlubiyyət olub”.

Erməni deputatın sözlərinə görə, hazırda Qarabağ Azərbaycanın nəzarəti altındadır, lakin Ermənistan müstəqil deyil: “Hətta deyirlər ki, seçkilər Azərbaycanın istədiyi kimi keçməsə, müharibə başlaya bilər. Məhz bu siyasət Azərbaycanın hərəkət imkanlarını genişləndirdi”.

Alpər Mövludoğlu
Ordu.az