Ordu.az xəbər verir ki, bu barədə “Politico” Ağ Evə yaxın mənbələrə istinadən məlumat yayıb.

Rəsmilər qiymət artımının iqtisadi nəticələrini təhlil edir və xərclərin azaldılması variantlarını, o cümlədən əlavə fövqəladə səlahiyyətlərin verilməsini nəzərdən keçirirlər. Bu barədə anonim qalmaq istəyən iki sahə nümayəndəsi və digər mənbələr məlumat verib.

Bildirilir ki, ABŞ-nin Prezidenti Donald Tramp Maliyyə Nazirliyinin nümayəndələrindən enerji daşıyıcılarının qısamüddətli perspektivləri barədə məlumat alıb. Nazirliyin qiymətləndirməsinə görə, bir barel üçün 100 dollar həddi hələlik qorunacaq.

Müzakirələrlə tanış olan şəxsin sözlərinə görə, administrasiya bu rəqəmi “baza səviyyə” kimi qəbul edir və qiymətlərin 200 dollara qədər yüksələ biləcəyini istisna etmir.

Neft qiymətləri ilə bağlı müzakirələr əsasən Enerji Dominantlığı üzrə Milli Şura çərçivəsində aparılır. Bu qurum siyasətin koordinasiyası üçün standart komitədir və onun tərkibinə müdafiə, energetika, ticarət, daxili işlər nazirlikləri və Dövlət Departamenti daxildir.

Mediya qeyd edir ki, bu planlaşdırma Ağ Evin mütləq şəkildə belə rekord qiymət artımını gözlədiyi anlamına gəlmir.

Bununla belə, rəsmilər hazırda belə ssenarinin qarşısını almaq üçün müxtəlif variantları araşdırırlar. Bu isə ölkədə benzinin orta qiymətinin artıq bir qallon üçün 4 dollara çatdığı və neft qıtlığının Asiyanı bürüdüyü, yaxın həftələrdə isə ABŞ-yə çatacağı bir vaxta təsadüf edir.

Sevinc Əliyeva
Ordu.az