Ordu.az xəbər verir ki, bu barədə xarici KİV-lər məlumat yayıb.

Şirkətin açıqlamasına görə, C-390 Millennium təyyarəsi İsveçin şimalında yerləşən “Vidsel” sınaq poliqonunda ekstremal iqlim şəraitində sınaqdan keçirilib. Bu sınaqlar təyyarənin Arktik şəraitdə əməliyyat imkanlarını təsdiqləyib və onun “Çevik Döyüş İstifadəsi” konsepsiyası çərçivəsində effektivliyini göstərib.

Sınaqlar zamanı ekipaj qısa məsafədən qalxma və eniş əməliyyatlarından əvvəl təyyarənin mühərriklərini və sistemlərini sürətlə əməliyyat vəziyyətinə gətirib. C-390 “Millennium” şəxsi heyətin və əlavə avadanlıqların daşınması üçün tələb olunan daxili həcmi qoruyub saxlayaraq SISU GTT kimi ağır hərbi texnikanı sürətlə yükləyib boşaltmaq qabiliyyətini nümayiş etdirib.

Bu nəticələr təyyarənin çətin coğrafi şəraitdə yüksək logistik imkanlara malik əməliyyatlarda etibarlılığını təsdiqləyib.

“Embraer” şirkətinin baş icraçı direktoru Bosko da Kosta Cunior bildirib: “Embraer KC-390 Millennium” ən çətin şəraitdə ən tələbkar tapşırıqları 100 faiz etibarlılıqla yerinə yetirə bildiyini bir daha sübut etdi. Bu yeni nəsil təyyarə Çevik Döyüş İstifadəsi konsepsiyası ilə tam uyğundur və Şimali Avropa ilə Arktik region üçün son dərəcə uyğun seçimdir”.

Sevinc Əliyeva
Ordu.az