Ordu.az xəbər verir ki, bunu erməni tarix elmləri namizədi, türkşünas Varujan Geğamyan deyib.

Onun sözlərinə görə, Avropa İttifaqı tərəfindən bəzi ölkələrə Türkiyə üzərindən məhdudiyyətlərin götürülməsi və Türkiyənin Aİ-yə üzv olması üçün açıq-aşkar təzyiq göstərilir.

“Bundan həm Türkiyə, həm də Avropa qarşılıqlı şəkildə faydalanır. Zəngəzur dəhlizinin əsas rol icraçısının indi ABŞ olması mahiyyəti dəyişmir. Adı TRIPP (Zəngəzur dəhlizi-red.) olsun, ya da başqa cür adlandırılsın, nəticədə qazanan Türkiyə və Azərbaycandır. Onlar öz ardıcıllıqları sayəsində proqramlarını həyata keçirmək üçün mümkün qədər çox aktoru prosesə cəlb edirlər”, - deyə Geğamyan qeyd edib.

Geğamyan bildirib ki, bir tərəfdən, TRIPP-in Ermənistanın hazırkı hakimiyyəti tərəfindən necə “parlaq qablaşdırma” ilə təqdim edildiyi, digər tərəfdən isə real danışıqların pərdəarxasında baş verənlər var.

“2020-ci il müharibəsindən sonra Türkiyənin digər ölkələrin daxili siyasi həyatına qarışmamaq tabusu qırıldı. İndi təkcə müdaxilə etmirlər, həm də deyirlər ki, “istədiyimiz kimi olmazsa, cəzalandırarıq”. Türkiyə Respublikası 2020-ci ildən sonra Ermənistanda siyasi təsir dairəsini genişləndirə bilib. Ermənistanın de-fakto hakimiyyəti Türkiyənin dediklərini icra edir”, - deyə o qeyd edib.

Geğamyan deyib ki, Zəngəzur Cənubi Qafqaz regionunun ən kövrək və partlayışa meyilli məkanlarından biridir: “Burada baş verənlər böyük müharibəyə çevrilə bilər. Yaxın Şərqdə və Cənubi Qafqazda baş verənlər Zəngəzurda əks-səda tapa bilər və əksinə. Zəngəzur birbaşa mənada toqquşma meydanına çevrilir. Bu isə son dərəcə təhlükəlidir”.

Alpər Mövludoğlu
Ordu.az