Ordu.az xəbər verir ki, bu barədə Ermənistanın “Hraparak” nəşri yazıb.

“Xatırladaq ki, Paşinyan hakimiyyəti Qarabağdan köç etmiş şəxslərə verilmiş Ermənistan pasportlarını dəyişmək qərarı qəbul edib, çünki həmin sənədlər 070 kodu ilə verilmişdi։ 23-dən sonra onları davamlı olaraq pasportları dəyişməyə çağırırdılar, indi isə maneələr yaradırlar, notariuslar tərəfindən formal qüsurlar tapılır, elektron növbə sistemi pozulur, ərizələrə aylarla baxılmır.

Məsələn, bizə bildiriblər ki, ötən ilin noyabr ayının sonlarında vətəndaşlıq üçün müraciət etmiş, lakin bu günə qədər cavab almayan şəxslər var. Əlbəttə, aidiyyəti qurum son vaxtlar belə halın olmadığını iddia edib, lakin köç etmiş şəxslərin hesablamalarına görə, bu günə olan məlumata əsasən azı 19 min nəfər vətəndaşlıq üçün müraciət edib və bürokratik süründürməçiliyə məruz qalıb”, - deyə nəşr qeyd edib.

KİV-ə görə, köç etmiş şəxslərdə belə şübhələr var ki, hakimiyyət onların müxalif mövqedə olduqlarını, müxalifətin elektoratı sayıldıqlarını anlayıb və məhz buna görə sənədlərin verilməsini qəsdən uzadır ki, iyunun 7-də keçiriləcək seçkilərdə iştirak etmələrinə imkan verilməsin: “DİN-in məlumatına görə, 2026-cı ilədək təxminən 30 min köç etmiş şəxs Ermənistan vətəndaşı olub, onlardan 9 mini uşaqdır”.

Alpər Mövludoğlu
Ordu.az