Ordu.az xəbər verir ki, bu barədə özünün “Facebook” səhifəsində “İşıqlı Ermənistan” partiyasının rəhbəri Edmon Marukyan yazıb.

“Münhendə Azərbaycan Prezidenti birbaşa bəyan etdi ki, Ermənistan konstitusiyasının dəyişdirilməsi məsələsində Ermənistan və Azərbaycan arasında qarşılıqlı anlaşma mövcuddur.

“Düşünürəm ki, Ermənistan və Azərbaycan rəhbərlikləri arasında hansı addımların atılması və bunların hansı ardıcıllıqla edilməsi barədə xeyli anlaşma var”, - deyə İlham Əliyev bildirib.

Ermənistanın bütün vəzifəli şəxsləri, Baş nazir, xarici işlər naziri, ədliyyə naziri və bir sıra hakim partiya deputatları bəyan edirlər ki, guya konstitusiya dəyişikliyinə xarici diktə ilə təşəbbüs göstərilməyib və bu, daxili gündəlikdir. İlham Əliyev isə çox açıq və sadə şəkildə deyir ki, hakimiyyətimiz nə edilməli olduğunu və bunun hansı ardıcıllıqla həyata keçiriləcəyini bilir...

Ya bunu təkzib edin, ya da açıq deyin ki, suveren deyilik və hətta özümüz Konstitusiya Məhkəməmizin qərarlarını tanımırıq”, - deyə o qeyd edib.

Alpər Mövludoğlu
Ordu.az