Ordu.az xəbər verir ki, bu barədə xarici KİV-lər məlumat yayıb.

“Belə bir sərmayəni daşıya biləcək sənaye yoxdur”, - deyə o bildirib.

Robles İspaniyanın bu məsələdəki mövqeyinin “ən dürüst və səmimi” mövqe olduğunu müdafiə edib.

Senatın Müdafiə Komissiyasında təxminən üç saat davam edən iclasın sonunda çıxış edən Robles deyib: “Hazırda heç bir NATO ölkəsinin ÜDM-in 5%-ni müdafiəyə ayırması mümkün deyil. Bunu daşıya biləcək sənaye potensialı yoxdur. Nə tibbi, nə də Avropa müdafiə sənayesi bu yükü daşıya bilər. Nə kifayət qədər ixtisaslı kadr var, nə də əsas xammal mövcuddur”.

Nazir bildirib ki, bu səbəbdən İspaniya Haaqada keçirilən NATO Zirvəsində 5%-lik hədəfi imzalamayıb, lakin 2024-cü il üçün 2%-lik hədəfi alyansa öhdəlik olaraq təqdim edib. “NATO bilir ki, İspaniya etibarlı, məsuliyyətli və qərarlı bir müttəfiqdir”, - deyə Robles qeyd edib.

O vurğulayıb ki, ölkəsi qabiliyyət əsaslı müdafiə hədəflərinə çatacaq.

Robles müdafiə xərclərinin mütləq rəqəmlərlə deyil, ölkələrin iqtisadi potensialı və ehtiyaclarına əsasən qiymətləndirilməli olduğunu bildirib: “ABŞ-nin ÜDM-i ilə Monteneqronunki eynidirmi? Bu səbəbdən faiz göstəricilərinə fokuslanmaq düzgün deyil. Əsas olan bizə düşən qabiliyyət hədəflərini yerinə yetirməkdir”.

Sevinc Əliyeva
Ordu.az