Ordu.az xəbər verir ki, hadisə Rusiya sosial media hesablarında paylaşılan görüntülərlə gündəmə gəlib.

Kadrlarda görünür ki, Rusiyanın iki “Su-25” döyüş təyyarəsi qol uçuşu yerinə yetirir və daha sonra arxadan “Su-25” tərəfindən raket atəşi açılır.

Raket buraxıldıqdan dərhal sonra öndə olan “Su-25” qəzaya uğrayıb, pilot isə təyyarəni katapult oturacağı vasitəsilə tərk edib.

Bu çərçivədə “Su-25”in qəzaya uğramasının səbəbi kimi qoldakı digər “Su-25”in atdığı raketin təyyarəyə dəydiyi qeyd edilir.

Qeyd edək ki, “Su-25” 1970-ci illərin sonunda Sovet İttifaqı dövründə “Sukhoi” tərəfindən hazırlanıb. Yaxın hava dəstəyi təmin etmək üçün nəzərdə tutulmuş bu təyyarə ağır zireh təchizatı ilə döyüş meydanında yüksək sağ qalma qabiliyyətinə malikdir.

Sevinc Əliyeva
Ordu.az